Menu

Хэлт энд Сэфти Солушинс ХХК

Хөдөлмөрийн эрүүл ахуйн мэргэжлийн үйлчилгээ үзүүлэгч

Мэргэжлийн баг

Гүйцэтгэх захирал

Хөдөлмөрийн эрүүл ахуйн зөвлөх

Д.Нарансүх, Анагаах ухааны доктор, ахлах зэрэгтэй эрүүл ахуйч

Боловсрол: ЭМШУИС-ийг Эрүүл ахуйч, Тархвар судлаач мэргэжлээр бакалаврын зэрэгтэй төгссөн. "Арьс ширний үйлдвэрийн хөдөлмөрийн нөхцөл" сэдвээр Нийгмийн эрүүл мэндийн магистрыг ЭМШУИС, "Ажлын байрны агарат дахь асбестийн өртөлтийн үнэлгээ" сэдвээр Нийгмийн эрүүл мэндийн шинжлэх ухааны магистрыг хөдөлмөр, орчны эрүүл ахуйн салбарт АНУ-ын Жонс Хопкинсын их сургуульд хамгаалсан.  Мөн анагаах ухааны докторын зэргийг хөдөлмөрийн эрүүл ахуйн салбарт "Ажлын байран дахь асбестийн эрүүл мэндийн эрсдэлийн үнэлгээ" сэдвээр хамгаалсан.

Туршлага: Анагаахын шинжлэх ухааны үндэсний их сургуульд ажиллаж байхдаа хөдөлмөрийн эрүүл ахуйн сургалтын шинэчлэл,  Хөдөлмөр, Орчны эрүүл ахуйн лабораторийг шинээр байгуулан MNS ISO/IEC 17025 стандартаар итгэмжлүүлэх, Хөдөлмөрийн эрүүл мэнд, аюулгүй байдлын бакалаврын хөтөлбөрийг шинээр нээх, итгэмжлүүлэх зэрэг цөөнгүй ажлыг санаачлан амжилттай хэрэгжүүлсэн. Хөдөлмөрийн эрүүл ахуйн 13 стандартыг боловсруулан батлуулж,  эрдэм шинжилгээний 28 өгүүлэл, судалгааны 11 тайлан, 4 ном гарын авлага хэвлүүлсэн. Монгол улсад анх удаа цулцанд нэвтэрдэг тоос, талст цахиурыг тодорхойлох хөдөлмөрийн эрүүл ахуйн шинжилгээний аргачлалыг нэвтрүүлсэн.

Төслийн зохицуулагч

Б.Уртнасан, НЭМШУ-ны магистр

Боловсрол: АШУҮИС-ийн Нийгмийн эрүүл мэнд судлалч (Эрүүл ахуйч) мэргэжлээр бакалаврын зэрэгтэй төгсөж, хөдөлмөрийн эрүүл ахуйчийн төрөлжсөн нарийн  мэргэжил эзэмшсэн. Нийгмийн эрүүл мэндийн шинжлэх ухааны магистрыг хөдөлмөрийн эрүүл ахуйн салбарт хамгаалсан. 

Туршлага: 2015 оноос хойш хөдөлмөрийн эрүүл ахуйн  чиглэлээр ажиллаж байна. 2017 онд Оюу Толгой ХХК-д  хөдөлмөрийн эрүүл ахуйн дадлагажих хөтөлбөрт хамрагдаж, АШУҮИС-ийн НЭМС-ийн Хөдөлмөр, Орчны эрүүл ахуйн лабораторийн орон тооны бус хөдөлмөрийн эрүүл ахуйчаар ажиллаж байсан туршлагтай. Уурхай, автозасвар, барилгын  зэрэг ажлын байрнуудад хөдөлмөрийн эрүүл ахуйн хэмжилт, хөдөлмөрийн нөхцөлийн үнэлгээ хийж байсан туршлагатай.

Лабораторийн техникийн менежер

Б.Энхнасан, НЭМШУ-ны магистрант

Боловсрол: АШУҮИС-ийн Нийгмийн эрүүл мэнд судлалч (Эрүүл ахуйч) мэргэжлээр бакалаврын зэрэгтэй төгсөж, хөдөлмөрийн эрүүл ахуйчийн төрөлжсөн нарийн  мэргэжил эзэмшсэн. Нийгмийн эрүүл мэндийн шинжлэх ухааны магистрантурт суралцаж байна. 

Туршлага: 2017 оноос хөдөлмөрийн эрүүл ахуйн салбарт ажиллаж байгаа туршлагатай. Агаарын бохирдлыг хувь хүний амьсгалын түвшинд тодорхойлох судалгааны төслийг 2017-2018 онд хэрэгжүүлж байсан туршлагатай. Уурхай, автозасвар, барилгын  зэрэг ажлын байрнуудад хөдөлмөрийн эрүүл ахуйн хэмжилт, хөдөлмөрийн нөхцөлийн үнэлгээ хийж байсан туршлагатай. 

Хөдөлмөрийн эрүүл ахуйн техникч

Ж.Миеэгомбо

Боловсрол: 2018 онд АШУҮИС-ийн Нийгмийн эрүүл мэнд судлалч, Эрүүл ахуйч мэргэжлээр бакалаврын зэрэгтэй төгссөн.

Туршлага: Улаанбаатар хотын Нийтийн тээврийн автобусын жолооч нарын тоосонд өртөх байдлыг тодорхойлох судалгаа хэмжилтийг хэрэгжүүлж, Хэлт энд Сэфти Солушинс ХХК-ийн хөдөлмөрийн эрүүл ахуйн дадлагажих хөтөлбөрт хамрагдаж байсан туршлагатай. 

Хөдөлмөрийн эрүүл ахуйн техникч / Сорилтын техникч

Г.Лувсанцэрэн

Боловсрол: 2018 онд АШУҮИС-ийн Нийгмийн эрүүл мэнд судлалч, Эрүүл ахуйч мэргэжлээр бакалаврын зэрэгтэй төгссөн.

Туршлага: АШУҮИС-ийн хэрэгжүүлж буй Улаанбаатар хотын агаарын бохирдлоос жирэмсэн эмэгтэй, урагт нөлөөлөх байдлыг тодорхойлох судалгааны төсөлд  эрүүл ахуйн туслах техникчээр ажиллаж, Хэлт энд Сэфти Солушинс ХХК-ийн хөдөлмөрийн эрүүл ахуйн дадлагажих хөтөлбөрт хамрагдаж байсан туршлагатай. 

Хөдөлмөрийн эрүүл ахуйн техникч

Н.Дашням

Боловсрол: 2018 онд АШУҮИС-ийн Нийгмийн эрүүл мэнд судлалч, Эрүүл ахуйч мэргэжлээр бакалаврын зэрэгтэй төгссөн.

Туршлага:  Монголын хөдөлмөрийн эрүүл ахуйчдын үндэсний холбооноос хэрэгжүүлсэн "Хүүхэд агаарын бохирдолд өртөх байдлыг тодорхойлох судалгаа", "Цахилгаан халаалтаас гэр сууцны дотоод орчны агаарын чанар тодорхойлох судалгааны" төсөлд туслах судлаачаар ажиллаж, Хэлт энд Сэфти Солушинс ХХК-ийн хөдөлмөрийн эрүүл ахуйн дадлагажих хөтөлбөрт хамрагдаж байсан туршлагатай.